المساعد الشخصي الرقمي

مشاهدة النسخة كاملة : الرقيص للا شئ


مفيد ودالعاشق
03-03-2012, 07:37 AM
هل نطرب ونرقص لللحن والموسيقى ام الكلمات ام للاثنان ام للاشئ؟
يختلف الوضع في جلسه السماع مثلا يكون عدد الحضور محدودا والايقاع في الغالب يكون لالة العود او خلافه من الالات الوترية يكون في هذه "القعده" المجال اوسع للتفاعل مع الكلمة ثم اللحن ثم مع مشاعر الحضور "ابشر خفيفه وانت جالس مكانك"
في الحفلات غالبا مايختلف الوضع وتطغي الموسيقى والانفعالات على الكلمة فلايهتم اي من الحضور لما يقول الفنان المهم "الربه"
هذه هو حال الجمهور اما الفنان "واعني بطان الزمن دى" فلايهمه غير الربه
كنت احضر في افراح افراح يوم الخميس وبدت اغنية للعروسين والعريس فرحاااان ساق عروسه لوسط الحفله ودقت الموسيقى وغنى الفنان
في الليلة ديك
في الليلة ديك لا هان علي
أرضى و أسامحك
ولا هان علي أعتب عليك
شلتَ الجراح و الابتسامة
وكل حرمان اليتامى
جيت أهنيك و أصافحك
جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي
والعريس فرحااااان ويرقص مع عروس
هل دي اغنيه تغنى لعروسين في ليلة زفافهما ؟ لايهم المهم ان نرقص

اسمهان المهدى
03-03-2012, 08:24 AM
الاخ مفيد المفيد
خالص التحايا والاحترام
طرح مميز الاغاني ليها اثر في النفس كبير لانها تاخذك الي عالم
وردي تجد فيه كل الوان الطيف التي تجعل لحياتك معني ولون .
اما الرقص فهو تفريغ للطاقة كامنه في النفس مابينهما مساحات
مختلفة احيانا تجد فيها الكلمة واللحن هي سيد الموقف وتارة
اخري تجد الايقاع السريع هو سيد الموقف .
ورغم ذلك تظل الكلمة واللحن الرائع في الخاطر

حافظ محمد
03-03-2012, 08:35 AM
مفيد العاشق
سلامات يازول يحمل في داخل كلام كتير ومفيد
وكلامك عين الحيقيه
لكن انت عارف الناس عايزه ترقص وتنطرب والفنان بقول شنو مش مهم
اذا كان الحفله فيها 1000 شخص يعني تلاقي البسمعو 10 والباقين بحتو في النبق
لكن من المفترض الفنان هو اليسيطر علي الجو بتاع الحفله و من لمحه يعرف الحضور عايز ياتو غنية

مفيد العاشق
كون كما تشتهئ وابقي زي ما قلت ليك

مفيد ودالعاشق
03-03-2012, 09:19 AM
الاخ مفيد المفيد
خالص التحايا والاحترام
طرح مميز الاغاني ليها اثر في النفس كبير لانها تاخذك الي عالم
وردي تجد فيه كل الوان الطيف التي تجعل لحياتك معني ولون .
اما الرقص فهو تفريغ للطاقة كامنه في النفس مابينهما مساحات
مختلفة احيانا تجد فيها الكلمة واللحن هي سيد الموقف وتارة
اخري تجد الايقاع السريع هو سيد الموقف .
ورغم ذلك تظل الكلمة واللحن الرائع في الخاطر

هلا اسمهان ونورتي المنتدى حمدا لله على السلامه
ان ارقص حين احس ان مايقال يعبر عني عن فرحتي عن ماساتي عندما احس ان مايقال يقول على لساني مالم استطع قوله هذا هو الذي يفرغ طاقاتي حتى المعزوفات الفنيه احيانا احس انها تقول شئيا عني
بس نرجع نقول كلامك
تظل الكلمة واللحن الرائع في الخاطر

امنة المهدي
03-03-2012, 10:38 AM
صباح الخير اخي مفيد ود العاشق
موضوع جميل ومميز وطرح رائع تبقي الكلمة
واللحن الرائع في الخاطر والوجدان خالدا في الزاكرة لايطوية النسيان
اما الرقص فهو تفريغ للطاقة كامنه في النفس مابينهما مساحات
مختلفة احيانا تجد فيها الكلمة واللحن هي سيد الموقف وتارة
اخري تجد الايقاع السريع الذي اصبحت لة مساحة واسعة هو سيد الموقف
لكنة يبقي مثل السراب ينتهي بانتهاء زمن الوصلة الغنائية

مفيد ودالعاشق
03-03-2012, 11:50 AM
مفيد العاشق
سلامات يازول يحمل في داخل كلام كتير ومفيد
وكلامك عين الحيقيه
لكن انت عارف الناس عايزه ترقص وتنطرب والفنان بقول شنو مش مهم
اذا كان الحفله فيها 1000 شخص يعني تلاقي البسمعو 10 والباقين بحتو في النبق
لكن من المفترض الفنان هو اليسيطر علي الجو بتاع الحفله و من لمحه يعرف الحضور عايز ياتو غنية

مفيد العاشق
كون كما تشتهئ وابقي زي ما قلت ليك

الرائع حافظ
مفروض الفنان يتعامل بذكاء مع مستمعيه ويعرف ماذا يغني كما قلت الجعليين يغني ليهم عرضه وفي الحنه اغنية سيرة وبي كده يكون احترم عقول المستمعين اولا قبل نفسه لكن يغني اغنية فراق لي عريس يوم عرسه ودموع والم
زي ماقلت الناس عاوزة ترقص وبس
تخريمه
حلوة يحتو النبق دي

مفيد ودالعاشق
03-03-2012, 12:19 PM
زميلتي في المكتب الان قالت لي في فنانه في مصر كانت بتغني في حفلة عرس والعريس اعور بقت تغني وتقول

والعيونه شمال اااي

والناس تغني وترقص

معقوله

مفيد ودالعاشق
03-03-2012, 12:45 PM
صباح الخير اخي مفيد ود العاشق
موضوع جميل ومميز وطرح رائع تبقي الكلمة
واللحن الرائع في الخاطر والوجدان خالدا في الزاكرة لايطوية النسيان
اما الرقص فهو تفريغ للطاقة كامنه في النفس مابينهما مساحات
مختلفة احيانا تجد فيها الكلمة واللحن هي سيد الموقف وتارة
اخري تجد الايقاع السريع الذي اصبحت لة مساحة واسعة هو سيد الموقف
لكنة يبقي مثل السراب ينتهي بانتهاء زمن الوصلة الغنائية


أميرة الصحافه

حين تصبح الموسيقى هي سيدة الموقف تختفي الكلمة وتنزوي خلف اسماع الحضور نكون كدمي عمياء

اسعدني مرورك

نجوى عثمان كمبال
03-03-2012, 03:40 PM
زميلتي في المكتب الان قالت لي في فنانه في مصر كانت بتغني في حفلة عرس والعريس اعور بقت تغني وتقول

والعيونه شمال اااي

والناس تغني وترقص

معقوله

الاخ مفيد ودالعاشق تحياتي لك عنقريبك لقيتو اتقطع مالحقته عليهو
بالنسبه للرقيص والله الناس عاوزه تهيص شنو بتقول الفنانه ماعارفين بس جبجبه .العريس اعور اطرش ما عليهم . لكن والله انا لمن الاقي اغاني الطمبور بدون ما اشعر الاقي نفسي ابشر . اول مره امشي رابطة ارقي كان في حفلة طمبور وكل النسوان قاعدات بس يستمعو وانا طبعأ كل الناس مابتعرفني الا البسيطين منهم واقوم ابشر ليك في عبدالرحيم ارقي .

علي الناطق
03-03-2012, 07:06 PM
هل نطرب ونرقص لللحن والموسيقى ام الكلمات لسماع مثلا يكون عدد الحضور محدودا والايقاع في الغالب يكون لالة العود او خلافه من الالات الوترية ‎

الأخ / مفيد ود العاشق
أيها الرائع دوما بكتاباتك المفيده والجميله والهادفة ٠
في إعتقادي ووجهة نظري المتواضعه أن الكلمه الجميله والمعبره والتي خرجت بصدق
تعبر عن لسان كاتبها والتي بث فيها مشاعره وإحاسيسه
أيا كانت تلك الكلمات والاحاسيس إحساسا للحب او العشق او لأي شئ آخر .........
والتي لامست الوتر الحساس في نفس كاتبها .... هي التي تشكل النغم الجميل والموسيقي الهادفه المعبره
والتي تجعلنا دون أن نشعر أو نحس نميل طربا وتجاوبا مع هذا النغم
الذي عبر عن تلكم الكلمات الجميله والتي أظهرت جيل العمالقه وردي /كابلي/زيدان ودالامين /عثمان حسين‎
ولكن الجيل الحالي جيل الطرب . قرقوري / سامي المغربي /نزار المهندس
فقد قال اولهم من أراد الاستماع فعلية ان يجلس في بيته ويفتح المسجل
ويستمع ولكن هنا لدينا ساعتين فقط للغناء نطرب فيها الناس ونجعلها تنطط وهم طالبين كده
هذا فهم فناني الشباب وغناء الموضه فأختفت الكلمه المعبره والنغم الجميل
لك ودي وتقديري وتقبل مروري

مفيد ودالعاشق
03-04-2012, 07:12 AM
الاخ مفيد ودالعاشق تحياتي لك عنقريبك لقيتو اتقطع مالحقته عليهو
بالنسبه للرقيص والله الناس عاوزه تهيص شنو بتقول الفنانه ماعارفين بس جبجبه .العريس اعور اطرش ما عليهم . لكن والله انا لمن الاقي اغاني الطمبور بدون ما اشعر الاقي نفسي ابشر . اول مره امشي رابطة ارقي كان في حفلة طمبور وكل النسوان قاعدات بس يستمعو وانا طبعأ كل الناس مابتعرفني الا البسيطين منهم واقوم ابشر ليك في عبدالرحيم ارقي .

نجوى كمبال
بالله الزوله الكانت بتبشر دي انتي ههههه
اغاني الطمبور في تقديري تتيح للشخص فرصة السماع للكلمات اكثر من غيرها وعبدالرحيم من الفنانين الذين يبهرونك بادائهم استطيع ان اتابع الكلمات دون عنا

لك تقديري نجوى

nahid
03-04-2012, 08:10 AM
لك التحية الاخ مفيد
فعلا المستمعين بيطربو لموسيقى وما بيدققو لكلمات
وفى بعض الفنانين مابيختارو الاغانى للحفلات
فى اغنية الشاعر بيرثى ابنه لانه كان مغترب
وابنه مريض لمن جاء من السفر كان فى جثمان ابنه مارى
كلمنى ياحلوالعيون
حيرنى صمتك ياحنون
كلمنى حاول حس بى
عاتبنى ارمى اللوم على
كلمنى والكائن يكون
دى واحدة من الاغنيات ليس للحصر بتلقى الناس مطربين واخر اطراب ورقيص
تقبل مرورى

مفيد ودالعاشق
03-04-2012, 08:28 AM
لك التحية الاخ مفيد
فعلا المستمعين بيطربو لموسيقى وما بيدققو لكلمات
وفى بعض الفنانين مابيختارو الاغانى للحفلات
فى اغنية الشاعر بيرثى ابنه لانه كان مغترب
وابنه مريض لمن جاء من السفر كان فى جثمان ابنه مارى
كلمنى ياحلوالعيون
حيرنى صمتك ياحنون
كلمنى حاول حس بى
عاتبنى ارمى اللوم على
كلمنى والكائن يكون
دى واحدة من الاغنيات ليس للحصر بتلقى الناس مطربين واخر اطراب ورقيص
تقبل مرورى

ياسلااااااااااااااااااااام ياناهد
دى مثال جد جميل بوري اننا فعلا بنرقص للاشئ وياريت نعتبر

انا مقدر ليك مرورك الجميل

دهمشية
03-04-2012, 01:25 PM
والعريس فرحااااان ويرقص مع عروس
هل دي اغنيه تغنى لعروسين في ليلة زفافهما ؟ لايهم المهم ان نرقص



غرييييييية
ياخ كان يغني ليهم معاي معاي بالدرب الطويل
مفيد يعجبني في مواضيعك انها طازجة من الراس
للكراس هههه..
للاسف يامفيد الغناء الجميل
الذي يحمل الكلمة والمعنى اصبح غير مرغوب
فيه والناس يامفيد اصبح زوقها هابط وهذا سبب
انتشار الاغاني الهابطة ..
موضوعك دا ذكرني نكتت مصطفى سيد احمد الله يرحمه
قالو واحد جعلي من ناس شندي في زواجه جاب
مصطفى سيد احمد بدات الحفلة وقالو ليك مصطفى
مسكها ليك من البنت الحديقة ماخلى اغنية لوراء
زووول قام بشر او عرض مافي..الكل في كراسيه
بس راجل واحد قام بشر فوقو وقالو والله يازول تب
غناك ماعجبنا ..الا ابشر دي لشنبك الكبير دا
هههههه..
تخريمة :
انت يامفيدماقالو الناس بتختار الااغنية ؟؟
العريس دا يكون متشاءم براه ويكون جابرنو

عمما تشكر ...وخالص تقديري واحتراماتي
وتقبل مروري.......

حسن حيدر
03-04-2012, 01:56 PM
الأخ / مفيد
السلام عليكم ورحمة الله
والله الفنان الغناء في الليلة ديك دا فنان ممتاز ،وكمان في أغاني ما أنزل الله بها من سلطان ( القرد ، العربية ، حرامي القلوب، ....) في هذه الأيام الحفله علي حسب قروشك في فنان درجة أولي بـ 10 مليون ودرجة ثانية مابين 5_7 مليون ودرجة ثالثة 3--2 مليون درجة رابعة مليون جنيه وفي مشي الحال وعلي حسب قروشك بغني ليك .
مع خالص تحياتي